Në Zagreb ka ndërruar jetë atdhetari i shquar Mikel Kuzhnini

Pas një sëmundje të rëndë ka vdekur sot veprimtari i shquar i çështjes kombëtare Mikel Kuzhnini.

Me këtë rast nuka kanë munguar as ngushëllimet nga krerët insitucionalë të Republikës së Kosovës, të cilët i kanë shprehur ngushëllime familjes, nisur nga presidenti Hashim Thaçi, kryeministri në detyrë Ramush Haradinaj, e deputetja e vetme shqiptare në parlamentin e Republikës së Kroacisë, Ermina Lekaj Përlaskaj.

Në një postim në Facebook, Përlaskaj ka shkruar se puna dhe veprimtaria e Kuzhninit për popullin shqiptar do të jetë e përjetshme.

“Në Zagreb, pas një sëmundje të rëndë ndërroi jetë Mikel Kuzhnini, veprimtar i devotshëm i çështjes kombëtare. Çdo herë do të jesh në kujtimin e shqiptarëve anembanë botës. Puna dhe veprimtaria jote për kombin shqiptar do të jetë i përjetshëm. Pusho në paqe baca Mikel”, ka shkruar ajo.

Derisa presidenti Thaçi ka shkruar, “Me pikëllim mora lajmin për vdekjen e veprimtarit dhe atdhetarit të shquar të çështjes kombëtare, Mikel Kuzhnini. Mikeli dhe familja e tij kanë dhënë kontribut të madh për çlirimin, pavarësinë, demokratizimin e Kosovës dhe afirmimin e shqiptarëve në arenën ndërkombëtare”.

E i pikëlluar për vdekjen e Kuzhninit është edhe Haradinaj, i cili thotë se angazhimi i tij për faktorizimin e kombit do të kujtohet përherë.

“Pikëllues lajmi për ndarjen nga jeta të Mikel Kuzhninit, kryetar Nderi i Lidhjes së Shqiptarëve në Botë, i cili pandalshëm punoi për lirinë dhe pavarësinë e Kosovës. Angazhimi i tij i pashoq për promovimin e traditave e vlerave shqiptare, si dhe për faktorizimin e kombit tonë kudo në botë, do të kujtohet përherë me pietet. Ngushëllime të thella familjes Kuzhnini dhe të gjithë bashkëveprimtarëve”, ka shkruar Haradinaj në Facebook.

©Kabllogrami