Klubi më i madh anglez Manchester United thotë se pandemia koronavirus u ka kushtuar atyre një shumë prej 28 milion funte dhe presin që shifra përfundimtare të jetë shumë më e lartë.
United zbuloi rezultatet e tremujorit të tretë deri më 31 mars të enjten.
Zyrtari kryesor financiar Cliff Baty tha se ata do të kthejnë prapa 20 milion funte drejta televizive transmetuesve edhe nëse sezoni i Premier League kompletohet.
Vetëm gjatë tre javëve të fundit të muajit Marsit, kur u shtyen tre ndeshje Manchester United humbi 8 milion funte.
Gjithsej 11 ndeshje të United janë shtyrë për shkak të pandemisë.
Duke folur në konferencë për shtyp virtuale pasi u publikuan rezultatet e fundit financiare, Baty shpjegoi që transmetuesit televizivë të Premier League do të merrnin 20 milion prapa nga klubi për shkak të ndryshimeve në data dhe kohëve të fillimit si rezultat i pandemisë.
Me lojërat e ndërprera – përfshirë ndeshjet në Europa League dhe FA Cup – Baty tha që të ardhurat nga sponsorizimet ishin “kontraktuar” dhe se shitjet me pakicë ishin ulur në dyqanet e klubit në Old Trafford e që ende janë të mbyllura.
Ai shtoi se të ardhurat nga dita e ndeshjes kanë “ndikuar ndjeshëm” në rritjen e borxheve, me faktin poashtu se ka gjasë reale që një pjesë e lojërave në të ardhmën do të luhen pas dyerve të mbyllura dhe pa prezencën e tifozëve.
@Kabllogrami