Basketboll: Prishtina sot në kryeqytet luan për FIBA Europe Cup

Klubi i Basketbollit nga kryeqyteti Z Mobile Prishtina sot (të mërkurën) do ta ketë ndeshjen e radhës në kuadër të FIBA Europe Cup ndaj kampionit të shumëfishtë hungarez Szolnoki Olaj, njofton Kabllogrami.

Prishtina që tashmë luan në raundin e dytë të kësaj gare të madhe ndërkombëtare në ndeshjen e parë humbi në Gjermani dhe tashmë është pikërisht momenti i duhur për tu kthyer me një fitore eventuale ndaj ekipit hungarez.

Plisat kanë premtuar atmosferë sikur asnjëherë më parë në këtë vit dhe salla pritet të jetë plotë e përplot me tifozë në mbështetje të Prishtinës e cila pritet të luftojë deri në momentet e fundit edhe në raundin e dytë.

Ndeshja luhet sot (e mërkurë) në ora 19:00 në Prishtinë. /©Kabllogrami/