Në konkurrencën e femrave në volejboll Skënderaj e pret Dritën e Gjilanit në gjysmëfinale të Kupës së Kosovës. Kjo ndeshje luhet nesër /të mërkurën/ nga ora 20:00 në palestrën “Minatori” në Mitrovicë.
KV Skënderaj luan si nikoqir në Mitrovicë në mungesë të palestrës në qytetin e Skënderajt.
Edhe gjysmëfinalja tjetër e Kupës te volejbollistet zhvillohet të mërkurën nga ora 20:00. Në Ferizaj takohen Kastrioti kundër M Technologie.
Te meshkujt, gjysmëfinalja e parë vë përballë skuadrat Prishtina Volley kundër Pejës. Ky takim luhet nga ora 15:30 në palestrën 1 Tetori në Prishtinë.
Të enjten me fillim në ora 20:00 në gjysmëfinalen tjetër te meshkujt, në Ferizaj takohen Luboteni e Theranda. /©Kabllogrami/