Portieri i përfaqësueses së Kosovës, Arjanet Muriqi ia ka siguruar Manchester Cityt gjysmëfinalen e kupës EFL pasi ka pritur dy penalti të Leicester Cityt bën të ditur Kabllogrami.
Koha e rregullt përfundoi 1 me 1 me golat e Kevin De Bruyne e Mark Albrighton ndërsa portieri gjigant i Kosovës u përkujdes që City të kalonte në raundin e ri të kupës pas penaltive të ekzekutuara.
Pasi Fuchs dështoi të çonte topin në rrjet nga penaltia, Muriqi ndali penaltitë e Maddisonit dhe Soyuncus para se Zinchenko të realizonte golin e fundit për Cityn. /©Kabllogrami/