Jose Mourinho dhe Manchester United kanё ndarё udhёt dhe mё nuk do tё jetё trajner i Manchester Unitedit, ka konfirmuar klubi anglez përmes faqes zyrtare, pёrcjell Kabllogrami.
Ky shkarkim vjen pas ecurie tejet tё dobёt dhe tё pa shpresё pёr t’u pёrmirёsur diç nё performancёn e Manchester United, qё kulmoi pas humbjes prej 3 me 1 ndaj rivalit të përbetuar Liverpoolit, në të cilën dy gola kishte shënuar Xherdan Shaqiri.
“Manchester Unitedi konfirmon se trajneri Jose Mourinho e ka lënë klubin me efekt të menjëhershëm. Klubi e falënderon Josen për punën e tij gjatë kohës në Manchester United dhe i dëshiron suksese për të ardhmen”, thuhet në faqen zyrtare të klubit.
Unitedi bën të ditur se një menaxher i ri kujdestar do të emërohet deri në fund të sezonit aktual, derisa klubi do të zhvillojë një proces të plotë për rekrutimin e një menaxheri të ri me kontratë të plotë.
Ndёrsa menjёherё pas lajmit pёr shkarkimin e Mourinho-s, mediat angleze raportojnë se Michael Carrick do të jetë zëvendësuesi i portugezit deri në fund të sezonit.
Carrick ishte pjesë e stafit të trajnerëve të Mourinhos gjatë këtij sezoni, pasi i dha fund karrierës së tij si lojtar me Manchester Unitedin nё vitin e kaluar. /©Kabllogrami/