Instituti Hidro-Meteorologjik i Kosovës /IHMK/ përmes një komunikate për media bën të ditur se në ditën e fundit të vitit 2018 pritet të ketë reshje të dobëta bore, kurse përgjatë pesë ditëve të ardhshme temperaturat do të zbresin deri në -7 gradë Celsius, përcjell Kabllogrami.
“Temperaturat minimale për ditën e nesërme parashihen të lëvizin ndërmjet -2 deri 0 gradë Celsius, ndërsa maksimalet e ditës parashihen të lëvizin ndërmjet 2-4 gradë Celsius”, thotë IHMK.
Më tutje thuhet se nga dita e martë do të ketë rënie të temperaturave minimale duke vazhduar deri -7 gradë Celsius në fundjavë, ndërsa maksimalet do të jenë afërsisht të ngjashme me ditët e javës që lamë pas.
Shtypja atmosferike vazhdon t’i mbajë vlerat e mbi normales. Do të fryjë erë kryesisht nga veriperëndimi me shpejtësi 1-5 m/s. /©Kabllogrami/