Jurgen Klopp ka thënë se Jose Mourinho është një trajner i jashtëzakonshëm, duke e përgëzuar për titujt e fituar gjatë karrierës së tij. “Askush nuk mund të injorojë sukseset e tij. Ai është një trajner i jashtëzakonshëm”, ka thёnё Klopp, pёrcjell Kabllogrami
Manchester United sot ka vendosur që të ndajë rrugët me trajnerin portugez, pas një sërë rezultatesh të dobëta këtë sezon.
Trajneri i Liverpoolit, Jurgen Klopp, i cili me fitoren e fundit ndaj Manchester United i ka kontribuuar shkarkimit të Mourinhos, ka thënë fjalë të mira për trajnerin portugez.
“Ai është një trajner shumë konkurrues, ambicioz, me suksese të jashtëzakonshme, por mund të imagjinoj se muajt e fundit s’kanë qenë shumë të mirë, në veçanti për të”, ka deklaruar Klopp pёr Mourinhon. /©Kabllogrami/