Tё hёnёn mё 26 Nёntor, me fillim nё ora 20:00, Orkestra e Filharmonisë së Kosovës ka sjellë para publikut nё kryeqytet, një program të veçantë e të larmishëm, me dy vepra të kompozitorëve kosovarë si dhe vepra të kompozitorëve të huaj, qё kanё kёnaqur publikun qё kishte mbushur plot Sallёn e Kuqe tё Pallatit tё Rinisё nё Prishtinё, bёn tё ditur Kabllogrami
Mbrёmja e muzikёs klasike nisi me veprat franceze të kompozitores e pianistes Françoise Chevaux që në Prishtinë kishte ardhur me ftesë të Filharmonisë së Kosovës dhe Ambasadës Franceze në Kosovë. Derisa dirigjenti Oscar Rubilar, ndonёse i ri nё moshё, ishte nё krye tё detyrёs dhe dëshmoi se është një dirigjent me perspektivë tё ndritur.
“Simfonia Indigo Op.2- për orkestër harkore” eci nëpër një ritëm të qetë e depërtues. Vepra e cila erdhi premierë në Prishtinë është luajtur më parë nga orkestra të Frances, Brazilit e Rusisë. Kompozitorja këtë vepër e kishte shkruar në një fshat të quajtur Flandres, menjëherë pas kthimit nga studimet që i kishte përfunduar në New York. Kjo dëshmon se ajo në çdo partiturë ka vendosur emocionet e saj të udhëtimeve e është dhënë fort pas muzikës kamertale, shkruan KultPlusi.
Kompozitorja e pianistja Françoise Chevaux interpretoi veprën e saj “Concerto d’hiver- për piano dhe orkestër”, duke lënë në Prishtinë lojën e saj të fundit si pianiste, pasi siç bёri tё ditur Drejtori i Filharmonisё sё Kosovёs, Baki Jashari – gjatё pёrshёndetjes qё i bёri publikut, kompozitorja e pianistja Françoise Chevaux me këtë interpretim ka përmbyll karrierën e saj pianistike, por jo edhe atё tё kompozitores.
Pianistja e kompozitorja Chevaux ishte e zhytur tërësisht në lojën e veprës së saj dhe dëshmoi një teknikë precize nё komunikim të saktë me orkestrën. Loja e harkorëve dukej sikur ishte e paraparë të ngjante fluska më të dendura të borës, e duke krijuar një atmosferë dimri, ashtu siç e kishte bёrё tё ditur, vet pianistja e kompozitorja njё ditё mё parё nё konferencё pёr media.
“Kjo orkestër është e mrekullueshme dhe luan në mënyrë të natyrshme. Ishte kënaqësi të luaja me ta sonte, ishte një nga bashkëpunimet më të rralla. Këtu atmosfera ishte shumë e ngrohtë dhe çka më gëzon më së shumti është prania e shumë të rinjve”, ёshtё shprehur pianistja franceze Chevaux, raporton Kult.Plus.
Poema dramatike “Skënderbeu” e shkruar para 50 vitesh më parë nga Fahri Beqiri, në shënim të 500 vjetorit të vdekjes së Gjergj Kastriotit- Skënderbeut , mbrëmë erdhi në nderim të figurës së Skënderbeut në 550 vjetorit të vdekjes së heroit kombëtar. Vepra e Fahri Beqiri është një vepër shumë e popullarizuar dhe e afërt që përputhet me tematikë orientale që shpreh një jetë të vështirë me shumë vuajtje e pasoja për popullin shqiptarë, por nё fund shpёrthen me triumfin e pavarësisë.
Pas interpretimit të veprës, para të pranishmëve doli vet kompozitori Beqiri i cili përshëndeti publikut dhe i emocionuar dukshёm bёri me duar simbolin e shqiponjës.
Nё pjesёn e dytё tё Programit erdhi vepra e shkёlqyer me dramaticitet tё theksuar “Dhimbja Simfonike” e kompozitorit kosovar Mendi Mengjiqi, vepër kjo e cila ka marrë çmimin për “Vepër orkestrale, simfonike dhe koncertale” në konkursin e MKRS-së.
Krejt në fund tё koncertit, orkestra solli frymën e Brahmsit në interpretimin e veprës “Uvertura Tragjike Op.81”, të cilën kompozitori gjerman e kishte shkruar në verën e vitit 1880.
Orkestra e Filharmonisë së Kosovës do të përmbyllë këtë vit me Koncertin e Vitit të Ri që do të mbahet më 23 dhjetor në Sallën e Kuqe të Pallatit të Rinisë.*
*Pёr punimin e kёtij shkrimi ёshtё pёrdorur materiali lidhur me kёtё ngjarje nga portali KultPlus.com i autorit Gili Hoxhaj.