Miliona euro përfitojnë bankat komerciale vetëm nga mirëmbajtjet e llogarive të klientëve, dukuri të cilën qytetarët ordinerëkonsiderojnë plaçkitje të turpshme që bankat ua bëjnë atyre dhe ndihen të irituar për faktit se shteti i Kosovës ka toleruar dhe po toleron këtë poshtërsi .
Për më tepër shteti i ka toleruar këto poshtërsi, pasi që përmes ligjit i obligon qytetarët që pagat t’i marrin përmes sistemit bankar. Sipas të dhënave të Bankës Qendrore të Kosovës, janë mbi 300 mijë qytetarë që përdorin bankat.
Megjithëkëtë, këto shërbime për qytetarët kanë kosto të cilat ndryshojnë nga 50 cent deri në 5 euro. Në pjesën më të madhe të tyre përfshihen vetëm shërbimet elementare për hapjen e një llogarie si deponimi dhe tërheqja e parave.
Njohësi i sistemit bankar, Naim Gashi thotë se është e paarsyeshme që qytetarët të obligohen të hapin llogari të cilat në fund u kushtojnë dhjetëra miliona euro, raportn KTV.
Burimet e KTV-së brenda bankave komerciale, kanë treguar se në takimet e zhvilluar me përfaqësues të BQK-së, është diskutuar mundësia e largimit të tarifave bankare për shërbimet elementare. Drejtori i Departamentit për Mbikëqyrjen Bankave në BQK, Mentor Geci e ka konfirmuar këtë, por ka thënë se ideja është ende në fazën e parë të shqyrtimit. Geci ka treguar se largimi i tarifave planifikohet të realizohet përmes një rregulloreje.
Por, drejtori i Shoqatës së Bankave të Kosovës ka treguar se ende nuk janë të njoftuar lidhur me këtë ide. Ndërsa ka thënë se do të bazohen në praktikat evropiane për uljen e kostos së shërbimeve bazike.
Prej mbi 300 mijë përdoruesve të bankave, mbi 200 mijë përdorin sistemin E- Banking, e cila u mundëson qasje në llogari dhe kryerjen e disa shërbimeve përmes internetit.
Së fundi, pas ankesave të shumta të klientëve të bankave, BQK-ja pati hequr edhe tarifën hyrëse në rastet e pranimit të parave në llogari.
Bankat për këtë kishin ndalur nga 50 deri në 1 euro e 50 cent, por si përfundim nuk kishin arritur të argumentonin se çfarë shpenzime kishin në rastet kur llogaritë pranonin para.
E krejt kjo bëhej në mungesë të një rregulloreje të cilën shteti klientelist heziton ta ndërmarrë për të mbrojtur qytetarët e vet. /©Kabllogrami/