Po vёretohen pretendimet e LVV-sё dhe LDK-sё se ekipi i unitetit ёshtё veçse bishti i Hashim Thaçit dhe se ky ekip shёrben vetёm pёr tё krijuar maskotёn e kinse konsenzusit dhe pёr tё legjitimuar atё qё Hashim Thaçi do tё nёnshkruajё me Serbinё, e qё ekziston droja tё jetё: dhёnien e pjesёs veriore tё Kosovёs pёr Serbinё me marrёveshjen ‘historike’ pёr ndryshim /korrigjim/ tё kufijve, siç ёshtё deklaruar vet Thaçi, raporton Kabllogrami.
Bashkimi Evropian e ka ftuar për konsultime në Bruksel ekipin negociator të Kosovës për bisedime me Serbinë, por, siç tha zëdhënësja e BE-së, Maja Kocijançiç, bisedimet në nivelin e lartë politik do të vazhdojnë ndërmjet presidentëve të Kosovës dhe të Serbisë.
“Zyra e Bashkimit Evropian për çështje të jashtme e ka ftuar delegacionin nga Kosova, të zgjedhur nga Kuvendi i Kosovës më 15 dhjetor, për konsultime në Bruksel, më 8 janar. Ekipi gjithashtu do të pritet nga Përfaqësuesja e Lartë e BE-së, Federica Mogherini”, tha Kocijançiçi për Radion Evropa e Lirë.
“Konsultimet janë një mundësi për të diskutuar me përfaqësuesit e Kosovës në dialog për normalizimin e marrëdhënieve ndërmjet Prishtinës dhe Beogradit, që lehtësohet nga BE-ja. Dialogu në nivelin e lartë bëhet ndërmjet dy presidentëve dhe kjo nuk ndryshon”, shtoi Kocijançiçi për Radion Evropa e Lirë.
Bashkëkryesuesit e ekipit negociator, Fatmir Limaj dhe Shpend Ahmeti, udhëtuan të hënën për në Bruksel, ku të martën pritet të mbahet takimi me zyrtarët e BE-së. /©Kabllogrami/